22október
Góðan daginn
Frábær niðurstaða fékkst í formannskjöri UMFÍ (www.umfi.is) í gær. Þar átti sé stað mikil kaflaskil í formannssögu UMFÍ þar sem að í fyrsta skipti í 100 ára sögu UMFÍ er kona formaður hreyfingarinnar.
Þessi kona er sko engin venjulega kona. Þessi kona er metnaðargjörn, ákveðin, góður leiðtogi, frábær starfsmaður, mikill íþróttaáhugamaður o.fl. o.fl..
Margir velta því fyrir sér af hverju ég er að fara svona fögrum orðum um þessa konu og af hverju ég karlremban sjálf sé að tala svona vel um þennan merka áfanga í sögu UMFÍ.
Ég skal segja ykkur af hverju. Þessi kona er hvorki meira né minna en MAMMA mín. Og ég er virkilega stoltur af henni og ég veit að hún kemur til með að verða frábær formaður.
Til hamingju mamma og gangi þér vel í nýja hlutverkinu.
Núverandi formaður og fyrrverandi formaður
Mbk. Guðjón B. H
Hér má sjá grein á mbl.is http://www.mbl.is/mm/frettir/innlent/frett.html?nid=1298149
22október
Umræður um umferðaröryggi á vegum landsins er reglulegt umræðuefni meðal landans. Í allri þessari umræður heyrist sjaldnast viðhorf um að fara aðra leiðir en þá sem alltaf er farin, herða viðurlög og einkum að hækka sektir. Hvernig væri að hækka hámarkshraðann til þess að bæta umferðamenninguna?
Það er vert að velta því fyrir sér hvort að hækkun sekta við umferðarlagabrotum leiði til þess að umferðin verði hættuminni. Það er ekki sjálfgefið að hækkun viðurlaga hafi það í för með sér að fólk aki hægar og taki meira tillit hvert til annars í umferðinni. Umferðaslysin verða oftast fyrir andartaks andvaraleysi. Upp á síðkastið hafa orðið alvarleg slys í umferðinni þar sem bílar hafa lent framan á hvor öðrum og eru dregnar líkur að því að það hafi gerst vegna framúrakstur.
Ætli landsmenn séu ekki tilbúnir til að skoða aðrar leiðir en hækkun viðurlaga sem raunverulega munu bæta umferðamenninguna á Íslandi og draga úr slysum? Ein leiðin gæti til dæmis verið að hækka hámarkshraðann á ákveðnum vegum landsins. Hugsanlega gæti það leitt til þess að þeir aðilar sem keyra hægar taka meira tillit til hinna sem keyra hraðar.
Það væri allavega þess virði að athuga þessa leið ef hún hugsanlega gæti orðið til þess að íslenskir ökumenn færu að sýna meiri tillitsemi í umferðinni og auðvelda þeim sem keyra hraðar að taka framúr. Með aukinni tillitssemi er næsta víst að að öryggi í umferðinni myndi aukast.
Allir eða í það minnsta flestir hafa orðið varir við þessa sjálfskipuðu „lögregluþjóna“ sem ætla að kenna öðrum lexíu líki þeim ekki akstursmáti samferðamannanna. Þessir sjálfskipuðu „þjónar réttlætisins“ leggja sig oft í líma við að hindra að ökumaður sem ekur í hraðara lagi komist fram úr með því að auka hraðann sjálfir og ef til vill loka svæðum sem sá sem kenna þarf lexíu ætlaði að nota. Þetta háttarlag er til þess fallið að stofna viðkomandi og öðrum vegfarendum í mikla hættu.
Þetta er leið sem vert er að skoða því ef þessi aðferð skilaði okkur þeirri niðurstöðu sem við erum í raun og veru að leita eftir, að auka öryggi í umferðinni, þá er takmarkinu náð.
Þetta er pistill sem skrifaði inn á www.deiglan.com margir aðrir áhugaverðir pistlar þar á ferð.
Mbk. GBH
